Ораза айт намазы қаншада оқылады?
Айт намазы 10 сәуір – Ораза айт мейрамы күні оқылады.
Қазақстан мұсылмандары діни басқармасы Ораза айт намазын оқу кестесін жариялады, деп хабарлайды inbusiness.kz сайты.
Астана және Шымкент қалаларында айт намазы 10 сәуірде сағат таңғы 7.00-де, ал Алматы қаласында сағат таңғы 6.30-да оқылады.
Ораза айт – қасиетті Рамазан айының аяқталғанын білдіретін мейірімділіктің, игіліктің, бірліктің, қайырымдылықтың мерекесі саналады.
