«Омикрон»: АҚШ-та бір адам қайтыс болды
Ауруды бақылау мен алдын алу орталығының мәліметінше, «омикрон» штамы бұл елде өршіп тұр.
АҚШ-тың Техас штатына қарасты Харрис округінің 50 жастағы тұрғыны «омикрон» штамын жұқтырған соң қайтыс болды, деп хабарлайды Almaty-akshamy.kz
Жергілікті билік өкілдері таратқан ақпаратқа қарағанда, жаңа штамның құрбаны болған ер адам вакцина алмаған.
Джонс Хопкинс университеті инфекция жұқтырған америкалықтар саны 51 млн-ға жеткенін айтты. Ал олардың 807,5 мыңы қайтыс болған. Соңғы бір ай ішінде коронавирусқа 3 млн-нан астам адам шалдыққан.
