Ломбардтан ұрланған ұялы телефондар Қалқаманда тәркіленді
Келтірілген материалдық шығын 2 млн теңге
Алматы Полиция департаменті ломбардтан ұрланған ұялы телефондар Қалқаман ықшам ауданында тәркіленгенін мәлімдеді, , деп хабарлайды Almaty-akshamy.kz.
Наурызбай аудандық Полиция басқармасының мәліметінше, 17 жастағы жасөспірім Райымбек даңғылы бойында орналасқан ломбардтардың бірін тонады деген күдікке ілінген.
Жәбірленуші тонау салдарынан келтірілген материалдық шығынды 2 млн теңгеге бағалаған. Ұрланған мобильді құрылғылар мен гаджеттерді полиция қызметкерлері күдіктінің жалға алған тұрғын үйінен тапты. Заттай айғақтар тәркіленді.
ҚР ҚК-нің 188-бабы 3-бөлігі бойынша сотқа дейінгі тергеу амалдары жүргізілуде. Күдікті қамауға алынды.
