Құлаған ағашқа қатысты Алматы қаласы экология және қоршаған орта басқармасы түсініктеме берді
Бұдан бұрын ағаштың құлағаны жайлы хабарлағанбыз.
Қазіргі уақытта мердігер ұйым қозғалыс бөлігіне құлаған ағаштан жолды тазартуда, деп хабарлайды Almaty-akshamy.kz
2023 жылғы 23 қарашада сағат 11:10-да Қалдаяқов 47 мен Бөгенбай батыр көшелерінің бұрышында Қалдаяқов көшесінің бойында ағаш құлады.
Басқарма қызметкерлері ағаш құлаған жерге барды және тексеру барысында құлаған емен ағашының қанағаттанарлық жағдайда әрі сыртқы зақымға ұшырамағаны, сау екендігі анықталды, бұл «Алматы қаласының жасыл желектер реестрі» арқылы да расталады. Алдын ала мәліметтер бойынша,нөсер жаңбыр ағаштың тамырындағы топырақты шайып кеткен, соның салдарынан ағаштың бағанына едәуір салмақ түскен.
Алматы қаласының аумағында жасыл желектерді түгендеуге сәйкес 84 мыңнан астам апатты ағаштар бар,оның ішінде: 35 мың ағаш көше бойында, 49 мыңы аула аумақтарында.
Жұмыс жоспары бойынша 2022 жылы магистральдық жолдар бойында, саябақ аймақтарында және аула ішіндегі аумақтарда 5 мың дана апатты ағаштар кесіліп, кесілген ағаштардың орнына 50 мың дана жас ағаш көшеттері отырғызылды.
Ағымдағы жылы Алматы қаласының экология және қоршаған орта басқармасы 16 925 мың дана апатты ағаштарды кесіп жатыр және кесілген ағаштардың орнына 169 250 мың дана жас ағаш көшеттерін отырғызу жоспарлануда.
Жыл ортасында басқарма 8 ауданмен шарт жасады, осыған орай ортақ аумақтарда апатты ағаштарды кесу кестеге сай жүруде.
Бүгінде 13,1 мыңнан астам апатты ағаш кесілді, сондай-ақ ортақ жерлерге 145 мың көшет отырғызылды.
Экологиялық қоғамдастық сұрақтарына жауап беру үшін ағаштарды кеспес бұрын ғылыми қызметкерлерді тарта отырып, (Ж. Жиембаев атындағы өсімдіктерді қорғау және карантин ҚазҒЗИ) эко-белсенділердің апатты ағаштарды мұқият тексеруі қамтамасыз етіледі.
