Қазақстандық дзюдошылар Еуропа кубогында жүлделі болды
Хорватияның Дубровник қаласында дзюдодан Еуропа кубогы өтіп жатыр.
Қазақстандық дзюдошылар жарыстың алғашқы күні 1 алтын, 2 күміс және 2 қола медаль жеңіп алды, деп хабарлайды Almaty-akshamy.kz Elorda.info-ға сілтеме жасап.
Құрмет тұғырының жоғарғы сатысына Ғұмар Қырғызбаев (66 келі) көтерілді.
Толғанай Әбеуова (52 келі) мен Эсмигүл Куюлова (63 келі) күміске қол жеткізді. Ал Бауыржан Нарбаев (60 келі), Ақерке Рамазановаға (+78 келі) турнирдің қола жүлдесі бұйырды.
