Қазақстандағы телерадиоарналар жұмысы уақытша тоқтатылды
Жоспарлы-профилактикалық жұмыстар жүріп жатыр.
Телерадио хабарларын тарату желілерінде жоспарлы-профилактикалық жұмыстар жүріп жатыр. Сол себепті барлық телерадиоарналарды ретрансляциялау уақытша тоқтатылды, деп хабарлайды Almaty-akshamy.kz.
«Телерадио хабарларын тарату желілерінде жоспарлы-профилактикалық жұмыстар 30 қарашада сағат 03:00 мен 17:00 аралығында жерсеріктік, цифрлық және аналогты эфирлік желілердің техникалық құралдарындағы сервистер жабылып, жоспарлы-профилактикалық жұмыстар жүргізіледі. Осыған байланысты Қазақстанның барлық аумағында телерадиоарналарды ретрансляциялау уақытша тоқтатылады», - делінген хабарламада.
«Қазтелерадио» АҚ тоқсан сайын жерсеріктік және эфирлік желілердің техникалық құралдарында сервистерді жаба отырып, жоспарлы-профилактикалық жұмыстар жүргізеді. Бұл жұмыстар телерадио хабарларын сапалы таратуды қамтамасыз ету үшін қажет.
