Қазақстанда жатырынан айырылған әйел дүниеге сәби әкелді
Жүктілік кезінде ешқандай қиындық болмаған.
Қостанай облысында жатырынан айырылған әйел дені сау нәрестені дүниеге әкелді, деп хабарлады Almaty-akshamy.kz Turkystan.kz cайтына сілтеме жасап.
Қостанай облыстық ауруханасының перзентхана бөлімінде ерекше оқиға болды. 7 жыл бұрын жатырын алып тастаған әйел дені сау сәбиді дүниеге әкелді. Белгілі болғандай, босанған әйелде органдардың дамуында жатырдың екі еселенуі сияқты ауытқу болған.
«Неге екінші жатырды байқамадық? Ондай болып тұрады. Әйелге жедел түрде ота жасалды. Қан көп кетіп, жатырын алып тастады. Жүкті жатырдың қаншалықты үлкен екенін білесіз бе?! Ол кезде қайталанатын орган дамымаған, бармақтай ғана болатын. Ағза өзінің гормондары әсерінен дамыған», - деп түсіндірді Қостанай облысының денсаулық сақтау басқармасында.
