Қазақстанда 1472 Наурыз бар
Көктем есімді 25 адам, ал Коктем деп жазылған 18 адам бар.
Ұлттық статистика бюросының мәліметі бойынша, Қазақстанда Наурыз есімді 1472 адам бар екен, деп хабарлайды Almaty-akshamy.kz
Мамандардың мәліметі бойынша, Қазақстанда Наурыз есімді 1472 адам, Наурызбай – 2940 адам, Наурызбек – 3206 адам, Наурызхан – 272 адам, Наурызгали – 145 адам, Наурызғали – 82 адам, Наурызгүл – 113 адам, Наурызгуль – 61 адам, Көктем есімді 25 адам бар, ал Коктем - 18 адам бар. Қазақстанда Кумыс деген атпен тіркелген 472 адам бар. Ал Қымыз деген есіммен бір ғана адам тіркелген. Қазақстанда Курт есімді бес адам тұрады.
Наурыз түркі халықтары үшін дәстүрлі көктем мерекесі. Ол көктемгі күн мен түннің теңелу күндерінде тойланады. Ежелгі әдет-ғұрып бойынша, мереке алдында адамдар өз үйлерін, айналасын тазартып, қарыздарын өтеуі керек.
