Қазақстан мен Люксембург тұрақты әуе тасымалы жөніндегі меморандумға қол қойды
Қазақстан мен Люксембург әуе қатынасы жиілігін көбейтуге келісті.
Бұл туралы Люксембург Ұлы Герцогтігінің Сыртқы және еуропалық істер жөніндегі министрі Жан Ассельборн Премьер-Министрдің орынбасары – Сыртқы істер министрі Мұрат Нұртілеумен келіссөзден кейін айтты, деп хабарлайды Almaty-akshamy.kz ҚазАқпаратқа сілтеме жасап.
«Біздің екіжақты қатынасымыз жоғары деңгейде қалыптасып отыр. Бұл біздің көпжақты форматтағы ынтымақтастығымызда да анық байқалады. Біз Қазақстанның нақты жан-жақтылыққа бағытталған сыртқы саясатын құрметтейміз. Және де мұның әлемдегі проблемаларды шешудің жалғыз тәсілі екенін түсінеміз», - деді Жан Ассельборн келіссөзден кейінгі брифингте.
Мәртебелі мейман келіссөз барысында өзара түсіністік туралы меморандумға қол қойылғанын атап өтті.
«Ұлттық көлік компаниямыз – «КаргоЛюкс» Қазақстан арқылы Қытайдан Люксембургке жүк жеткізетін болады. Бұл – Еуропадағы ең үлкен әрі жалғыз компания. Сондықтан да біз рейс санын 7-ден 12-ге дейн арттып, жүк айналымын ұлғайта аламыз. Мұның бәрі бір апта ішінде орындалады», - деді ол.