Каспийде балықты заңсыз аулаған 40-тан астам адам ұсталды
Маңғыстаулық теңіз шекарашылары Каспийде балықты заңсыз аулаған 40-тан астам адамды қолға түсірді, деп хабарлайды almaty-akshamy.kz
Ұсталғандардың барлығы - жергілікті тұрғындар. Қазір ресейлік шекарашылармен біріккен рейд жүргізіліп жатыр. Оның аясында ұзындығы 60 шақырымнан асатын ау-торлар тәркіленді.
Бұдан бөлек нарықтағы бағасы 172 млн теңге болатын 20-ға тарта бекіре мен 3 мың өзге де балық түрлері тәркіленіп, теңізге жіберілген.
- Бірлескен рейдтік шаралар кезінде мемлекет шекарасын кесіп өткен 2 адам ұсталды. Сондай-ақ шекара режимін бұзған 112 азамат енді заң алдында жауап береді. 8 қайық тәркіленді. Бас-аяғы 2 млн теңгеден астам әкімшілік айыппұл салынды - деді ҚР ҰҚК ШК департаменті бастығының бірінші орынбасары Данияр Малшыбаев.
