Қаңтар оқиғасына қатысқан 323 күдікті қамаудан босатылды

Жақсы мінез-құлық және залалды өтегенін ескеріп, 323 күдікті қамаудан босатылды

Көптеген күдіктілер Құрметті азаматтар бола отырып, оқиғалар кезінде олар тез пайда табуға немесе басқалардың сенуіне азғырылып, назардан тыс қаламыз деп үміттеніп, қылмыс жасады.

Бұл туралы Орталық коммуникациялар қызметінде өткен қаңтар оқиғасы, тергеу барысы туралы брифинг барысында ҚР Бас прокуратурасы 1-қызмет бастығының орынбасары Елдос Қилымжанов мәлімдеді, деп хабарлайды Almaty-akshamy.kz 

Осыған байланысты, олардың жеке басын, оң мінездемелерін және залалды өтеуді ескере отырып, бұлтартпау шарасының өзгеруімен 323 күдікті қамаудан босатылды (кепіл - 78, ешқайда кетпеу туралы қолхат - 67, үйқамақ - 96, жеке кепілгерлік – 11, сот үкімдері бойынша – 71).

Осыған ұқсас негіздер бойынша соттар қаралған қылмыстық істер бойынша да айыпталушылардың көпшілігі бас бостандығынан айыруды көздемейтін жазалау шараларына сотталған, ал бұл 214 адамның ішінде 194-ін қамтыды.

Сонымен қатар, тағы 6 адамға қатысты қылмыстық істер тараптардың татуласуына байланысты тоқтатылды.