Елімізде жыл сайын 1,5 млн текше метр ағаш кесіледі
Негізі Қазақстан ағаш қоры аз мемлекеттер қатарына кіреді.
Оның 70 пайызға жуығы отын, қалғаны өндірістік мақсатқа пайдаланылады, деп хабарлайды Almaty-akshamy.kz.
Ел аумағының 5 пайызы ғана - орманды алқап.
Сондықтан тұрғындар тұтас ормандар жойылып жатыр деп дабыл қағып, жөн-жосықсыз кесіліп жатқанына наразы.
Ақ қайыңдар өлкесі Солтүстік Қазақстанда 546 мың гектар орманды алқап бар, оның 6 мыңнан астам гектары жыл сайын отынға және өндірістік мақсатқа кесіледі. Ал егілетіні 1 мың гектарға да жетпейді.
Одан бөлек, заңды тұлғалар бір текше метр қайыңды жаздырып алу үшін 2900 теңге төлейді. Отын дайындаушылар оны кем дегенде 10 мың теңгеге сатып, еселеп пайда табады.
