Діни ағымның ұстанушысы педофил деген күдікке ілінді
Ол ұзақ уақыт бойы Түркия мен Қырғызстанда жасырынып жүрген.
Деструктивті діни ағымды ұстанушы педофил деген күдікке ілінді, деп хабарлайды Almaty-akshamy.kz Polisia.kz-ке сілтеме жасап.
«ІІМ, Алматы қаласы және Қарағанды облысы бойынша ПД және ҰҚКД қызметкерлерінің келісілген бірлескен жұмысының нәтижесінде 15 тамызда кәмелетке толмағандарға қатысты сексуалдық сипаттағы зорлық-зомбылық әрекеттерін жасады деген күдікпен республикалық іздеуде жүрген “Таблиги Джамаат” діни-экстремистік ұйымын ұстанушы – Теміртау қаласының тұрғыны, 51 жастағы А. есімді азамат ұсталды», - делінген полицияның мәліметінде.
Қаскөй ұзақ уақыт бойы Түркия мен Қырғызстанда жасырынып жүрген. Әрі қарай қылмыстық қудалау үшін А. есімді азамат Қарағанды облысының уәкілетті органдарына берілетін болады.
