Дәретхана қағазы бір жылда 11% қымбаттады
Оның үстіне бұл тауардың өндірілуі қыстың соңына қарай азайып кеткен.
2022 жылдың қаңтар-ақпан айларында қағаз және қағаз өнімдерін шығару 16,8 млрд теңгеге жетті, бұл өткен жылмен салыстырғанда құндық мәнде 23%-ға артық, деп хабарлайды Almaty-akshamy.kz Еnergyprom.kz сайтына сілтеме жасап.
Алайда өнеркәсіп өндірісінің индексі небәрі 99,4%-ды құрады, бұл саладағы нақты өнім көлемінің қысқарғанын көрсетеді.
Өңірлік тұрғыдан алғанда, қағаз және қағаз өнімдерін өндірудің ең үлкен көлемі Алматы облысына (6,4 млрд теңге), Алматы қаласына (5,2 млрд теңге) және Шығыс Қазақстан облысына (1,6 млрд теңге) тиесілі.
Анықтама үшін: 2021 жылдың қаңтар-желтоқсан айларында бұл секторда 90 млрд теңгеге өнім өндірілген.
Гофрленген, перфорацияланған қағаз бен картон өндірісі бір жылда бірден 2,3 есеге өсіп, 14,2 мың тоннаға жетті. Қағаз бен картоннан жасалған жәшіктер мен жәшіктер өндірісі де 13,4%-ға артып, 17,9 мың тоннаға дейін жеткен.
Бұл ретте дәретхана қағазының өндірісі жылына 5%-ға, яғни 4,3 мың тоннаға дейін, қол сүрткіш пен косметикалық майлықтар өндірісі 4,9%-ға, яғни 536 тоннаға, қағаз майлықтар 2,2%-ға, яғни 747,2 тоннаға дейін қысқарды.
Қазақстан Республикасындағы қағаз және қағаз өнімдерінің секторы импортқа тәуелді. Мәселен, ағымдағы жылдың қаңтар айында жергілікті компаниялар дәптерге деген сұранысты 69,8%-ға ғана қамтамасыз етті, бұл көрсеткіш бір жыл бұрын 88,2% болған. Сонымен қатар, санитарлық-гигиеналық тауарлар сегментінде сүлгілер, тампондар, жөргектер мен соған ұқсас импорттық өнімдер нарықтың 96,4%-ын алып отыр.
Қағаздан немесе картоннан жасалған хат-хабарларға арналған конверттер, ашық хаттар және басқа да өнімдер, сондай-ақ қораптар, сөмкелер, әмияндар мен дәптерлер сегментінде қамту деңгейі бір жыл бұрынғы 28,7% болса, биыл 45,4%-ды құрады.
Дәретхана қағазына, орамалдарға, майлықтарға және қағаз сүлгілерге деген сұранысқа келетін болсақ, мұнда қазақстандық компаниялар нарықты (бір жыл бұрын 60,7%) 70,9%-ға, ал тікелей дәретхана қағазының сұранысын 69,5%-ға (бір жыл бұрын 57,5%) қамтамасыз еткен.
Бұл ретте жергілікті өндіріс гигиеналық немесе косметикалық майлықтарды, сүлгілерді және басқа да осыған ұқсас бұйымдарды өндіруге арналған қағаздың өзіне, сондай-ақ целлюлоза талшықтарынан жасалған целлюлоза мақтасы мен кенептерге (бір жыл бұрын 33,3%) сұраныстың 62,9%-ын қамтыды.
Ағымдағы жылдың наурыз айының қорытындысы бойынша дәретхана қағазының бағасы бір жыл ішінде 11,3 пайызға қымбаттаған.
Өңірлік тұрғыда бағаның 31,5%-ға өсуін ең алдымен Атырау облысының тұрғындары сезінді. Алғашқы үштікке елорда (21,6%) және Қостанай облысы (18,7%) кірді. Сектордағы бағаның ең аз жылдық өсімі Шымкентте байқалды, бар болғаны 2%-ға ғана қымбаттаған.
Ал, ресми деректер бойынша А4 қағазы бір жыл ішінде небәрі 4,4%-ға ғана қымбаттаған. Бір қызығы, кеңсе қағаздарының сегментінде қазақстандықтардың өздері бақылайды, ал дистрибьюторлар мүлде басқа ақпарат ұысынп отыр.
Мәселен, ресейлік зауыттарда шығарылатын кеңсе қағаздарының қазақстандық ірі дистрибьюторларының бірі – ABDI компаниясы 2022 жылдың бірінші тоқсанында желі дүкендеріндегі бұл өнімдердің бөлшек сауда бағасы 100%-ға өскенін хабарлады. Атап айтқанда, егер А4 кеңсе қағазының (500 парақ) 1 қаңтардағы бағасы 1495 теңге болса, 2022 жылдың 30 наурызында баға 3000 теңгеге дейін өсті. Бұл объективті түрде ЕАЭО елдеріне кеңсе қағаздарын жеткізудегі жаһандық үзілістерге және оны Ресейдің Светогорск қаласындағы зауытта өндірудің тоқтатуына байланысты, деп жазды Іnbusiness.kz.
Алайда сәуір-мамыр айларында Қазақстанға ресейлік қағазды тұрақты тасымалдау қайта басталады деген болжам бар.
