Балаларымыздың болашағы біздің таңдауымызға байланысты
Сайлау учаскесіне келу - біздің азаматтық борышымыз.
Жетісу ауданының тұрғындарымен кездескен Алматы қаласының әкімі Ерболат Досаев сөз соңында халықты референдумға баруға шақырды, деп хабарлайды Almaty-akshamy.kz.
«Құрметті алматылықтар!
5 маусымда Конституцияға түзетулер енгізу бойынша референдум өтетінін еске салғым келеді. Бұл қазіргі Ата заңымызды бекіткен 1995 жылдан бергі алғашқы референдум. Алдағы дауыс беру – бұл тарихи оқиға. Сайлау учаскесіне келу - біздің азаматтық борышымыз.
Бұл неліктен маңызды?
Ұлт, мемлекет ретінде біздің болашағымыз Ата заңға тәуелді. Елдердің басым көпшілігі Конституциясыз өмір сүрмейді, онсыз мемлекет те, қоғамның негізгі принциптері де болмайды.
5 маусымда біз балаларымыздың болашағы үшін дауыс береміз. Және де оның қандай болатыны біздің таңдауымызға байланысты болмақ!» - деді мегаполис басшысы Ерболат Досаев.
