Ауыр салмақтағы Жан Кособуцкий кезекті жеңісіне қол жеткізді
Төртінші раундт нокдаун, бесінші раундта нокаут
Германияның Гамбург қаласында өткен бокс кешінде қазақстандық боксшы Жан Кособуцкий жекпе-жекке шықты, деп хабарлайды Almaty-akshamy.kz.
Жерлесіміз бұған дейін ешкімнен жеңіліп көрмеген доминикандық Алексис Гарсиямен олғап түйістірді. Супер ауыр салмақтағы жекпе-жек он раундтқа есептелген, алайда Кособуцкий бірден өзінің басымдығын байқатты. Төртінші раундта отандасымыз қарсыласын нокдаунға жіберді, ал бесінші раундта техникалық нокаутпен жеңіске жетті.
Осылайша Жан Кособуцкий өзінің кәсіби бокстағы 17-ші жеңісіне қол жеткізіп, бос тұрған WBC International Silver чемпиондық титулын иеленді. Ал, оның қарсыласы Алексис Гарсия кәсіби бокста алғаш рет жеңіліс тапты.
Айта кетсек, Жан Кособуцкий бұған дейін IBO Inter-Continental және WBA International чемпиондық белбеулерін жеңіп алған болатын.
Бұған дейін тағы бір отандасымыз Жәнібек Әлімханұлының Лас-Вегаста өткен бокс кешінде жеңіске жеткенін хабарлағанбыз.
