Аргентинада өртті сөндірмек болған тікұшақ құлады
Әуе кемесінде болған екі адам ажал құшты
Аймақта осы айдың басында басталған жалын дес бермей тұр, деп хабарлайды Almaty-akshamy.kz 24.kz-ке сілтеме жасап
Тілсіз жауды ауыздықтауға 200-ден астам өрт сөндіруші мен авиация тартылған.
Мамандардың жұмысына сағатына 80 шақырым жылдамдықпен соққан күшті жел кедергі келтіруде.
Осы сәтке дейін өрт 4 мыңнан астам гектар жерді жалмаған.
- Сұмдық өрт болып жатыр. Қайдан келіп жатқанын мүлде білмейміз. 4 шақырым жерде бізге қарай тағы басқа от жақындап келе жатқанын естідік. Күндіз күлкі, түнде ұйқыдан айырылдық, - деді жергілікті тұрғын Даниел Баеза.
