«Алтынемел» ұлттық паркінің аумағын қар барысы мекендейді
Қар барысы фотокамераға түсіп қалды
Алматы облысындағы «Алтынемел» мемлекеттік ұлттық табиғи паркінің аумағын қар барысы мекендейтіні анықталды, деп хабарлайды Almaty-akshamy.kz 24.kz сайтына сілтеме жасап.
Осыдан бір ай бұрын қойылған фотокамераға мысық тұқымдас аңның бір тобы түсіп қалған. Ғалымдар мұны ерекше жағдай деп отыр.
Өйткені осыған дейін барыстар теңіз деңгейінен 4000-5000 метр биіктікте ғана тіршілік етеді деген тұжырым болатын. Фототұзақтың көмегімен олардың 1000-1200 метрге дейін түсетіні белгілі болды.
