Алматыда бос жер орнына балалар алаңы мен қала тұрғындары үшін демалыс аймағы салынады
Бостандық ауданы тұрғындарының өтінішімен ауданы 1 гектар жер учаскесі абаттандырылады
Алматы әкімі Ерболат Досаев жұмыс сапары барысында және Бостандық ауданының тұрғындарымен кездесу аясында Абай даңғылының оңтүстігінде және Гагарин даңғылының батысында орналасқан 1 гектар аумақты абаттандыру жоспарымен танысты, деп хабарлайды аlmaty-akshamy.kz.
Бұл бос жер инфрақұрылым нысанына айналып, Алматының оңтүстік бөлігіндегі қоғамдық кеңістіктерге маңызды орын болады. Құрылыс жұмыстары биыл 10 қарашада басталды және Алматы әкімінің тапсырмасына сәйкес Бостандық ауданы тұрғындарының өтінішімен қолға алынған. Аумақты абаттандыруда қоғамдық тыңдауларда және жобаны талқылау барысында айтылған дүниелерді ескереді. Мұнда ойын алаңы, футбол және баскетбол алаңдары, скейтпарк, сонымен қатар, иттерді серуендеуге арналған орын бар көпфункционалды қоғамдық аймақ пайда болады. Участокта орындықтар, қоқыс жәшіктері мен перголалар қойылады. Ағаштар отырғызып, суару жүйесімен қамтамасыз етіледі. Аумақты абаттандыру жұмыстары әлеуметтік жауапкершілік аясында жүргізіледі.
Бостандық ауданының әкімі Санжар Алин қала басшысына бүгінгі күні ағаштарды санитарлық мақсатта бұтақтары кесілгенін, ағаш отырғызып, футбол алаңы жөнделгені туралы есеп берді. Қазіргі уақытта жұмыстың 15%-ы аяқталды. Жобаны 2024 жылдың тамызына дейін аяқтау жоспарланып отыр.
Ерболат Досаев аймақтарды бөлуді ескеріп, бос уақыт пен демалыс алаңдарын қайта құруды, қарттар мен балалар үшін оларды абаттандыру, шатырлар жасауды тапсырды. Қала басшысы жаңа қоғамдық аумақтың жобасы ауданның инфрақұрылымын жақсартып қана қоймай, жылдың кез келген уақытында отбасылық демалыс пен спорттық іс-шаралардың жаңа орталығына айналатынын атап өтті. Сонымен қатар, Алматы әкіміне Абай даңғылынан Жандосов көшесіне дейін Гагарин бульварын қайта құру және абаттандыру жобасы таныстырылды, бұл 2024 жылға жоспарланған.
Анықтама үшін: Бостандық ауданын абаттандыру аясында биыл 80 аула аумағында күрделі жөндеу жұмыстары аяқталды. «Халық қатысатын бюджет» жобасы аясында 4 қоғамдық кеңістікке, 10 спорт және балалар алаңына жөндеу жұмыстарын жүргізуді көздейтін 800 млн теңгеге 17 жоба іріктелді. 12 жерасты және 7 жерүсті жаяу жүргіншілер өткеліне ағымдағы жөндеу жұмыстары жүргізіліп жатыр. 2024 жылға «Атакент», «Южный» парктерін, Үлкен Алматы және Есентай өзендерінің жағалауларын, бірқатар субұрқақты және т.б. қамтитын Тұңғыш Президент саябағын күрделі жөндеу жоспарланған.
