Алматыда балалар қызылшамен көп ауырған
Қызылшаны емдеудің нақты әдісі жоқ.
Санитарлық дәрігерлер Алматыдағы қызылшаға қатысты жағдайға алаңдап отыр, деп хабарлайды Almaty-akshamy.kz
Алматыда қызылша бойынша қолайсыз эпидемиологиялық жағдай қалыптасты.
"Бүгінгі таңда қызылшаның 1183 жағдайы тіркелді, оның 88%-тен астамы 14 жасқа дейінгі балалар", - делінген комитет хабарламасында.
Ауру негізінен вакцинацияланбаған балаларда тіркелген (ауырған балалар санының 82%). Олар екпеден бас тартқан, сондай-ақ вакцинациядан медициналық ауытқулар мен егу жасына жетпегендіктен вакцинация алмаған.
Сонымен қатар қызылшаны емдеудің нақты әдісі жоқ. Алдын алудың жалғыз сенімді құралы – ол уақтылы вакцинация.
Қызылшаға қарсы екпені қай жаста алу керек
Ұлттық вакцинация күнтізбесіне сәйкес екпелер балаларға екі рет жүргізіледі: 12-15 ай және 6 жаста.
Екпе үшін Үндістанның Serum Institute of India институты шығарған қызылшаға, қызамыққа және паротитке қарсы аралас вакцина қолданылады.
Вакциналардың сапасы мен қауіпсіздігіне ДДҰ кепілдік береді.
Қызылша ауруының негізгі белгілері
Қызылша - дене температурасының жоғарылауы, мұрыннан су ағу, жөтел сияқты ЖРВИ белгілері бар вирустық ауру, аурудың 4-5-ші күнінен бастап бөртпе пайда болады. Ол жоғары инфекциямен сипатталады және ауа тамшылары арқылы беріледі.
Инфекция науқас адамнан жұғады. Кем дегенде қызылша ауруымен ауырған адаммен қысқа мерзімді байланыста болғандардың барлығы дерлік жұқтырады.
Қызылша ауруы басқаларға бөртпеден 4 күн бұрын және 4 күн ішінде қауіпті. Ауру инфекциядан кейін 7-18 күн ішінде дамиды.
