Алматы маңында қаңтардағы тәртіпсіздіктер кезінде ұрланған қару-жарақ табылды
Қару-жарақ қоймасы Іле ауданы, Алматы - Өскемен тасжолының бойында жасырылған
Оны жергілікті қылмыстық іздестіру бөлімінің қызметкерлері анықтады. Қоймадан «Марлин» және Tikka мылтықтары табылған, деп хабарлайды Almaty-akshamy.kz
Тексере келе, атыс қарулары Алматыдағы қару-жарақ дүкендерінің бірінен қаңтар айындағы тәртіпсіздіктер кезінде ұрланғаны белгілі болды. Екі карабин де баллистикалық сараптамаға жіберілді. Тергеу аяқталғаннан кейін қару заңды иесіне қайтарылады.
