Әлем елдерінің түрлі тағамдары Almaty Food Fest фестивалінде таныстырылды
Алматыда кешеден бері халықаралық гастрофестиваль өтіп жатыр.
Іс-шара әлемнің түрлі асханасын бағалаушы нағыз талғампаз гурмандардың басын қосты, деп хабарлайды Almaty-akshamy.kz.
Мұнда Алматы тұрғындары мен қала қонақтары ғана емес, Катар, БАӘ және Ұлыбританиядан келген фудблогерлер, Үндістан мен Қытайдан келген туристер де бар.
Фестивальді Алматы қаласының Туризм басқармасы және қонақтар үшін мерекелік атмосфера жасаған арнайы мамандар ұйымдастырды.
Фестивальде мексикалық, ливандық, америкалық, азиялық тағамдардан және қазақтың ұлттық тағамдарынан дәм татуға болады. Ал балалар үшін аниматорлар өнер көрсететін арнайы аймақ ұйымдастырылды.
Мұнда әлемдік деңгейдегі аспаздардың аспаздық шоулары мен шеберлік дәрістері, бармендер мен баристалар сайысы, фермерлік өнімдер көрсетіліп, қолөнершілер жәрмеңкесі өтеді. Әр күні кеш соңында қонақтарға қазақстандық эстрада артистері өнер көрсетеді.
Almaty Food Fest 2023 Абай атындағы алаңда екі күн бойы - 4 және 5 қараша аралығында өтті.
