2 600-ден астам алтын құйма сатылды

2 600-ден астам алтын құйма сатылды
Сурет: Jana-kezen.kz

2023 жылдың ақпан айында екінші деңгейлі банктер мен банктік емес жекелеген айырбастау пунктерінде жалпы салмағы 83,0 келі 2 653 алтын құйма сатылды.

2017 жылы халыққа тазартылған алтын құймаларды сату бағдарламасы іске қосылған еді. Бағдарлама қолға алынғалы жалпы салмағы 4,0 тонна 117 862 алтын құйма сатылды, деп хабарлайды Almaty-akshamy.kz Egemen.kz-ке сілтеме жасап. 

Алтын құймалар бес түрлі салмақта ұсынылады: 5, 10, 20, 50 және 100 г. Сатып алушылар арасында өте жоғары сұранысқа ие түрі – 10 грамдық құйма. Жалпы сатылған құймалар арасында оның үлесі 26% – 30 542 дана. Одан кейін 5 грамдық алтын құйма – 26 348 дана (22%), 100 грамдық құйма – 23 975 дана (20%), 20 грамдық құйма – 23 336 дана (20%) және 50 грамдық құйма – 13 661 дана (12%). Алтын құймалар Алматы, Астана және Атырау қалаларында көп сатылады.

Бұл ретте, алтын құймалар сенімді инвестиция құралы бола алады. Алтын құймалар нарығындағы өтімділіктің басты кепілі – банк пен банктік емес айырбастау пунктері клиентке ақшаны сол күні төлей отырып, құймаларды кері сатып ала алады.

Бағдарлама  жүзеге асқалы екінші деңгейлі банктер мен банктік емес жекелеген айырбастау пунктері жалпы салмағы 496,2 келі 19 724 алтын құйманы кері сатып алған, бұл жалпы сатылған құймалардың 17%-ын құрайды. Кері сатып алынған алтын құймалардың барлығы Ұлттық банктің филиалдары арқылы халыққа сатылады.