Запастағы офицерлер әскери қызметке шақырылады
Биыл олардың санын екі есе ұлғайту көзделіп отыр.
635 запастағы офицер әскери қызметке шақырылады, деп хабарлайды Almaty-akshamy.kz
«Запастағы офицерлерді әскери қызметке шақыру туралы» Үкімет қаулысына тиісті өзгерістер енгізілді.
Құжат Ашық НҚА порталында жарияланды.
Оған сәйкес, 2023 жылы әскери қызметке шақырылуға жататын запастағы офицерлердің саны:
ҚР Қарулы Күштері – 550;
ҚР Ұлттық қауіпсіздік комитетінің Шекара қызметі – 60;
ҚР Төтенше жағдайлар министрлігі – 16;
ҚР Ішкі істер министрлігінің Ұлттық ұланы – 9.
Құжат 6 маусымға дейін қоғам талқысына шығарылды.
Айта кетері, жыл басында тиісті қаулымен запастағы 345 офицерді әскери қызметке шақыру жоспарланған болатын. Енді запастағы 635 офицер әскери қызметке шақырылмақ.
