Талапкерлерге оқу гранттары сараланған жүйе бойынша берілуі мүмкін
«Ашық» НҚА порталында жарияланған Ғылым және жоғары білім министрінің бұйрығында осылай жазылған.
Министрлік гранттарды сараланған тәртіппен беру жобасын әзірлеген. Оған сәйкес, жалпы білім беру тапсырысындағы гранттар «Базалық», «Дарын» және «Қамқор» болып бөлінеді, деп хабарлайды Almaty-akshamy.kz.
Сараланған грант түрлері былайша беріледі:
- базалық гранттардың жалпы саны – мемлекеттік білім беру тапсырысы көлемінің кемінде 50%;
- «Дарын» гранттарының жалпы саны – мемлекеттік білім беру тапсырысы көлемінің 10% аспайды;
- «Қамқор» гранттарының жалпы саны – мемлекеттік білім беру тапсырысы көлемінің кемінде 30% құрайды.
Бұл ретте министрлік енгізілгелі отырған сараланған білім беру грантына қатысты түсініктеме берген.
Құжат 21 сәуірге дейін көпшілік талқылауда болады.
