Шымкентте қылмыстық топ құрықталды
Шымкентте маргиналды жастардың қылмыстық тобы құрықталды, деп хабарлайды almaty-akshamy.kz
Қалалық ПД ұйымдасқан қылмысқа қарсы күрес басқармасы кешенді іс-шаралардың нәтижесінде аймақтағы жедел жағдайға теріс әсер ететін он адамнан тұратын топты ұстады. Олар қару пайдаланып, бұзақылық және бопсалаумен айналысқан.
Құрықталғандардың жасы 20-дан 25-ке дейін. Олардың тұрғылықты жерлерін тексеру барысында атыс қарулары, оқ-дәрілер мен басқа да заттай дәлелдемелер табылып, тәркіленді.
Қылмыстық құқық бұзушылық жайттары бойынша тергеу жұмыстары жүргізілуде.
