Сайлау демократиялық принциптерге сай өтті - пікір
Сайлауалды компания мен сайлаудың өзі тыныш өткені - жақсы ұйымдастырылғанның белгісі.
Орталық сайлау комиссиясының жариялаған кезектен тыс Президент сайлауының ресми қорытындысына қатысты сарапшылар пікір білдірді, деп хабарлайды Almaty-akshamy.kz.
«Сайлауалды компания мен сайлаудың өзі тыныш өткені - ең алдымен, жақсы ұйымдастырылғанның белгісі. Заң бойынша бәрі өтті. Байқаушылар кішігірім ғана қателіктерді байқап жатыр. Жалпы алғанда, бәрі өте тұрақты, бейбіт және тыныш түрде өтті және бұл үлкен жетістік», - деді Қазақстан стратегиялық зерттеулер институтының ғылыми қызметкері Қуаныш Сайлау.
«Сайлау демократиялық принциптерге сай өтті. Халықаралық нормаларға сәйкес өтті деп айтуға болады. Бұл бағаны кеше АҚШ пен Ресей байқаушылары да айтты», - деді Қазақстан стратегиялық зерттеулер институтының саяси зерттеулер бөлімінің меңгерушісі Ермек Тоқтаров.
