Нұрислам Санаев Токио Олимпиадасында жартылай финалға шықты
Жерлесіміз ілгерілеп келеді.
Ұлттық Олимпиада комитетінің мәліметінше, қазақстандық балуан Нұрислам Санаев Токио Олимпиадасының жартылай финалына шықты, деп хабарлайды Almaty-akshamy.kz.
Еркін күрестен 57 келіге дейінгі салмақ дәрежесінде белдескен Нұрсилам Санаев ширек финалда қарсыласын ұтты. Ол әлем чемпионы, Азия ойындарының жүлдегері жапониялық Юки Такахашимен белдесті.
Белдесу 6:4 есебімен аяқталып, Нұрислам келесі айналымға жолдама алды.
Жартылай финалдық бәсекелер Нұр-Сұлтан уақытымен сағат 15:00-де басталады.
