Медеу ауданында ағымдағы жөндеу аясында 122 жоба іске асырылады
Жайлы қалалық ортаны дамыту жұмыстары қарқынды түрде жалғасуда.
Бұл туралы қала әкімі Ерболат Досаев Медеу ауданы халқымен өткен кездесуде айтты, деп хабарлайды Almaty-akshamy.kz.
Ағымдағы жөндеу аясында 122 жобаны іске асыру жоспарланып жатыр, оның ішінде 80 ауланы жабдықтау, 23 үйдің фасадын жаңарту, 13 жерүсті (Шығыс айналма автожолы бойынша 8-ін жөндеу) және жерасты (5, оның ішінде 3-уін гидрооқшаулау, 2-уін жөндеу) жаяу жүргіншілер өткелін жөндеу, 4 автоматты суару жүйесін реконструкциялау және 2 қоғамдық кеңістікті абаттандыру жоспарлануда. Аяқталу мерзімі – осы жылдың IV-ші тоқсаны.
