Құтқарушы қызының көз жасы...

Павлодар облысындағы «Майқайыңалтын» АҚ аумағаныда апаттан қаза тапқан құтқарушылардың отбасына көмек ретінде бөлінген қаржы толығымен берілді деп құзырлы орындар мәлімдеген болатын. Алайда құтқарушының қызы видео арқылы бұл ақпаратты жоққа шығарды.

Яна Осалодкова әкесінің қайтыс болғаны туралы көршілерінен  білгенін айтады. Әкесінен айырылған бойжеткен мемлекеттік органдар мен кеніш өкілдерінен көмек жоқ деп мәлімдеп отыр.

«Жерлеуден кейін бәрі бізді ұмытты. Мен қазір не жағдай болып жатқанын да білмеймін. Сондықтан төтенше жағдайлар қызметінен немесе «Майқайыңалтын» АҚ басшылығынан хабарласуын сұраймын! Бізге қалдырған телефондардың барлығы жауап бермейді. Инстаграмда жазғандай, бізге төрт миллион теңге емес, екі миллион теңге ғана бөлінді», - дейді Яна.

Янаның айтуынша қамтамасыз етілуі тиіс тегін психологиялық көмектің болмағандығынан өз қалтасынан психологқа 500 мың теңге төлеген.

«Бұл қажетті шара. Менде жүйке бұзылып, күйзеліс күшейді. Өйткені бір жарым жыл бұрын мен анамды жерлегенмін. Мен үшін әкем – батырым, қорғаушым болатын. Әкеммен бірге шешімнің қазасынан соң күйзелістен бірге шықтық. Қазір мен қолдаушысыз қалдым, не істерімді де білмеймін. билік органдармен де, басшылықпен де, кәсіпорынмен де байланыс жоқ. Барлығы жасырынып қалғандай. Осы бір қиын кезде ағам екеуміз жалғыз қалғандай күй кешудеміз», - дейді бойжеткен көзіне жас алып.