Құрылтай құрамы жаңарды

Ұлттық құрылтай жұмысына жаңа қоғам өкілдері қосылды.

Тұрлыханов, Дайрабаев, Уәли Ұлттық Құрылтай құрамынан шығарылды, деп хабарлайды Almaty-akshamy.kz Ақорданың баспасөз қызметіне сілтеме жасап.

2024 жылғы 19 қаңтарда Ақорданың баспасөз қызметі Ұлттық Құрылтайдың құрамындағы өзгерістер туралы хабарлады. Ресми ақпаратта атап өтілгендей, Ұлттық құрылтай жұмысына жаңа қоғам өкілдері қосылды:

ҚР Бала құқықтары жөніндегі уәкіл Динара Зәкиева,

"Қазақстан кәрістер қауымдастығы" ЗТБ төрағасы Юрий Шин,

Қазақстанның Еңбек Ері, Семей қаласындағы № 7 мектеп-лицейінің мұғалімі Алма Шұқыжанова,

ҚР Парламент Мәжілісінің депутаттары Нұрлан Әуесбаев, Никита Шаталов,

Zhubanov university басқарма-төрағасы, ректор Лаура Қарабасова,

пара жеңіл атлетика бойынша спортшы Айсұлу Сүлейменова,

дүнген этносының көшбасшысы Лугмар Буларов,

"Азаттық рухы" ақпараттық агенттігінің тележүргізушісі, журналист Кристина Гринько тартылды.

Бұдан бөлек құрамға бірнеше аймақтан қоғамдық кеңес мүшелері кірді.

"​Ұлттық құрылтай құрамынан Б. Әлтеев, А. Толамысов, Г. Қанай, С. Огай, Ж. Дайрабаев, Қ. Майгелдінов, Б. Уәли, А. Тимощенко-Боровикова, С. Сарыбай, Д. Тұрлыханов, А. Лодочников, С. Құранбек, Э. Суларов шығарылды", - деп атап өтті баспасөз қызметі.

​Қазіргі уақытта Мемлекет басшысының "Egemen Qazaqstan" газетіне берген сұхбатында хабарланғандай көктемде өтетін Ұлттық құрылтайдың үшінші отырысына дайындық жұмыстары жүргізілуде.