ҚТЖ спутниктік OneWeb байланысын теміржолда сынап көрмек
Бұл шалғайдағы нысандар мен пойыздарды байланыспен және интернетпен қамтамасыз етеді.
Жыл сайынғы Digital Almaty 2023 халықаралық цифрлық форумда «ҚТЖ» ҰК» АҚ OneWeb - «Network Access Associates Ltd.» халықаралық спутниктік байланыс компаниясымен өзара түсіністік туралы меморандумға қол қойды, деп хабарлайды Almaty-akshamy.kz.
Ынтымақтастық аясында Қазақстан теміржолында OneWeb спутниктік терминалдарын сынақтан өткізуді бастау жоспарлануда.
ҚТЖ Басқарма төрағасының стратегия және цифрландыру жөніндегі орынбасары А.Ахметжановтың айтуынша, төмен орбиталық спутниктік топтан сигнал алу байланыс тұрақтылығын және оны станцияларда резервтік арна ретінде пайдалану мүмкіндігін қамтамасыз етеді. Бұл шалғайдағы нысандар мен пойыздарды байланыс және интернетпен қамтамасыз етеді.
