Конституция күні қарсаңында қалада қандай шаралар өтіп жатыр?
Алматыда Конституция күні қарсаңында бірқатар іс-шаралар өтуде.
Алматылықтар және қала қонақтары Конституция күнін атап өтуді 27 тамызда Trans Alatau Trail соқпағын жүріп өту бойынша 24 сағаттық марафоннан бастады, деп хабарлайды Almaty-akshamy.kz ҚазАқпаратқа сілтеме жасап.
Марафон Visit Almaty туристік хабында өтуде.
Қалалық әкімдіктің хабарлауынша, 28 тамыз, сағат 11:00-де Шоқан Уәлиханов алаңында Конституция күніне арналған флешмоб;
сағат 15:00-де Ганди саябағында «Елді асқақтар Ата Заң!» атты мерекелік концерт;
30 тамыз, сағат 11:00-де Mega Almaty сауда ойын-сауық орталығында,
сағат 12:00-де Шоқан Уәлиханов алаңында,
сағат 16:00-18:00 арасында Mega Park сауда ойын-сауық орталығында мерекелік концерттік бағдарламалар;
сағат 19:00-да Абай алаңында (Республика сарайы алдында) концерт өтеді;
сағат 20:00-де «Көктөбе» демалыс саябағында Jaidarman open air, КВН жастары өнер көрсетеді.
