Есірткі сататын екі мыңға жуық сайт бұғатталды
Заңсыз айналымнан 15 тоннадан астам есірткі тәркіленді.
Бұл туралы Ішкі істер министрлігінің апталық брифингінде ведомство өкілі Шұғыла Тұрлыбек мәлім етті, деп хабарлайды Almaty-akshamy.kz Elorda.info сайтына сілтеме жасап.
«Интернет-алаяқтыққа қарсы іс-қимыл жөніндегі кешенді шараларды іске асыру шеңберінде ұялы байланыс компаниялары «ауыстырылмалы» 1 нөмірлерінен 5,5 млн қоңырауды бұғаттады. Ішкі істер министрлігі 6 ұйымдасқан қылмыстық топты жойып, алаяқтық белгілері бар 165 сайттың жұмысын тоқтатты. Бұдан басқа, ІІМ басқа құқық қорғау және арнайы органдармен бірлесіп, 2781 есірткі қылмысы анықталды, заңсыз айналымнан 15 тоннадан астам есірткі тәркіленді және 70 есірткі зертханасы жойылды, сондай-ақ 1990 есірткі сайты бұғатталды», - деді Шұғыла Тұрлыбек.
