Ертең халыққа қызмет көрсету орталықтары жұмыс істемейді
25 қазан - мемлекеттік мереке, яғни қазақстандықтар ертең бір күн демалады.
Мемлекеттік корпорация Республика күнін мерекелеуге байланысты халыққа қызмет көрсету орталықтары, оның ішінде мамандандырылған орталықтар сәрсенбі күні азаматтарды қабылдамайтынын хабарлады, деп хабарлайды Almaty-akshamy.kz Каzinform агенттігіне сілтеме жасап.
"ХҚКО мен арнайы ХҚКО 26 қазанда жұмысын қайта бастайды", - делінген «Азаматтарға арналған үкімет» мемлекеттік корпорациясы» КЕАҚ хабарламасында.
Еске сала кетсек, ХҚКО азаматтарды әдеттегі кесте бойынша жұмыс күндері сағат 9:00-ден 18:00-ге дейін қабылдайды. Кезекші орталықтар жұмыс күндері сағат 20:00-ге дейін, сенбіде - 13:00-ге дейін жұмыс істейді.
