Ел тұрғындарының қажеттіліктері үшін аса маңызды дәрі-дәрмектер берілді
Аса ауыр ауруларды емдеуге арналған препараттар «СҚ-Фармация» қоймаларына жөнелтілді.
«Қарағанды фармацевтикалық кешені» өндірген бұл препараттар мыңдаған қазақстандықтардың өмірін сақтап қалуға көмектеседі, деп хабарлайды Almaty-akshamy.kz
«Қарағанды фармацевтикалық кешені» ЖШС орталық қоймасынан Қазақстан азаматтарының қажеттіліктері үшін түрлі ауыр ауруларды емдеуге арналған аса маңызды дәрі-дәрмектер жөнелтілді.
Әлеуметтік маңызы бар иммунобиологиялық және биофармацевтикалық препараттар мыңдаған қазақстандықтардың өмірін сақтап қалуға көмектеседі.
«СҚ-Фармация» дәрілік заттардың бірыңғай дистрибьюторының логистикалық хабтарына ҚФК-да өндірілген мынадай препараттар жіберілді:
- «Тигераза», ингаляцияға арналған ерітінді, 7 206 ампула (1 201 қаптама). Бұл муколитикалық препарат, цистикалық фиброзда қолданылады. Ол қақырықтың тұтқырлығын азайтады, осылайша өкпенің жұмысын жақсартады және жұқпалы аурулардың пайда болу қаупін азайтады.
- «Бевацизумаб», инфузия үшін ерітінді дайындауға арналған концентрат, 25 мг/мл 4 мл., 200 қаптама мөлшерінде. Бұл антитуморлық агент, ол «ақылды» моноклоналды антиденелер деп аталады, олар қан тамырларының рак клеткаларының биологиялық белсенділігін іріктеп байланыстырады және бейтараптайды.
