Болат Назарбаев Орталық клиникалық ауруханаға түсті
Әлеуметтік желіде Нұрсұлтан Назарбаевтың інісі Болат Назарбаевтың хәл үстінде жатқаны туралы ақпарат тарауда. Осыған байланысты Орталық клиникалық ауруханада өкілдері Болат Назарбаевтың денсаулығына қатысты мәлімдеме жасады, деп хабарлайды almaty-akshamy.kz Massaget сайтына сілтеме жасап.
Бұл пациент қазір Алматыдағы Орталық клиникалық ауруханада жатыр. Болат Назарбаевтың жағдайы туралы ақпаратты тек пациенттің туғандарының келісімін алған соң хабарлай аламыз. ҚР заңдарына сәйкес, ауруханада емделушілердің жеке басына және денсаулығына қатысты мәліметті тек пациенттің жақындарының рұқсатымен жариялауға құқылымыз, - делінген жауапта.
