"Біз бармыз, ағайын! Qazaq style бар!" - Жәнібек Әлімханұлы мәлімдеме жасады
Жәнібек Әлімханұлы алғаш рет чемпиондық титулын қорғайды.
Кәсіпқой бокста жеңіліп көрмеген Жәнібек Әлімханұлы Геннадий Головкин мен Сауль Альварестің жекпе-жегінен кейін мәлімдеме жасады, деп хабарлайды Almaty-akshamy.kz.
«Біз бармыз, ағайын! Qazaq style бар! Еңселеріңізді түсірмеңіздер! Әлемдік аренада талай мықтыларды құлатып, көк Туды желбіретеміз, бұйыртса! Біз ешкімнен қорықпаймыз! Бізден қорқады! Біз қауіпті қарсыласпыз! Бокстағы менмін деп жүргендер бізбен шықпас үшін әлі талай сылтау айтады! Біз өз жолымызды салдық. Өз стилімізді жаһанға көрсеттік! Орта салмақтың чемпионы болдық. Бұйыртса, қараша айында алғаш рет чемпиондық титулымызды қорғаймыз! Жеңісті күнде жолығайық!» - деп жазды Жәнбек фейсбуктегі парақшасында.
Еске салайық, Жәнібек Әлімханұлы Лас-Вегаста өткен жекпе-жекті арнайы барып тамашалаған.
