Биыл Алматыдан 1 300-ден астам шетелдік еліне қайтарылған
Өйткені олар көші-қон заңнамасын бұзған.
Алматы полиция департаменті көші-қон қызметінің мәліметінше, жыл басынан бері қалаға 97 319 шетел азаматы келген, деп хабарлайды Almaty-akshamy.kz Рolisia.kz-ке сілтеме жасап.
"Қазақстан Республикасының көші-қон заңнамасын бұзғаны үшін 10 977 шетелдік азамат әкімшілік жауапкершілікке тартылды", деп мәлімдеді полициядағылар.
Сот шешімімен 1 331 шетел азаматы елден шығарылды. Шетелдік жұмыс күшін тарту тәртібін бұзған 176 жұмыс берушіге әкімшілік шара қолданылды.
