Ауыл тұрғынынан заңсыз ауланған 100 келі балық тәркіленді
Аталған фактіге қатысты тергеу амалдары жүріп жатыр
Жетісу облысында ауыл тұрғынынан заңсыз ауланған 100 келі балық тәркіленді. 63 жастағы ер адам Кербұлақ ауданы Сарыөзек ауылының маңында профилактикалық іс-шара барысында ұсталды, деп хабарлайды Almaty-akshamy.kz Polisia.kz-ке сілтеме жасап.
Оның көлігінен балықтың әртүрлі түрлері мен пайдалануға тыйым салынған дараталшық торлары табылды.
«Тәркіленген балықтың жалпы салмағы - шамамен 100 келі. Балық сату үшін қабылдау пунктіне өткізілді, одан әрі жиналған қаражат мемлекет кірісіне тапсырылады. Келген шығын 400 мың теңгеге жуық», - дейді табиғат қорғау полициясының аға инспекторы Бағлан Рымжанов.
Аталған фактіге қатысты Қылмыстық кодекстің 335-бабына сәйкес тергеу амалдары жүріп жатыр.
