Алматылықтар халықаралық алма күнін атап өтті
Ұйымдастырушылар көпшілікке алмадан жасалған түрлі дәм ұсынды
Дүниежүзілік аспаз күні мен халықаралық алма күнін Алматы облысының жұрты атап өтті, деп хабарлайды almaty-akshamy.kz Almaty.tv-ге сілтеме жасап.
Қос мерекені ұштастырған ұйымдастырушылар келген көпшілікке алмадан жасалған түрлі дәм ұсынып, дастархан жайды. Іс-шараға эстрада жұлдыздары да қатысып, мерекелік жиынның көркін қыздырды.
– Ұзындығы 100 метрдей штрудель әзірледік. Алма күні болғандықтан, түрлі тағам жасадық, – деді бас аспаз Алмас Осипов.
Аспаздардың алуан түрлі қиялынан туған тағамдардан бөлек, демалушыларға шығармашылық бұйым ұсынылды. Ұлттық нақыштағы киім мен киізден жасалған әртүрлі туындыны тамашалаған жұрт іс-шараның дістүрге айналғанын қалайды.
– Алматының алмаларынан жасалған мәзірді демалушыларға, қарапайым қонақтарға ұсынайын деп жатырмыз. Болашақта мәдени іс-шараларды жалғастырамыз, – деді сауықтыру кешенінің президенті Яков Стерликов.
