Алматыда жаңа технология бойынша жолдар салынуда
Жол инфрақұрылымының негізгі проблемалары жол төсемінің сапасы және жол люктерінің төмендеуі түріндегі ақаулар болып қала береді.
Бұл туралы ОКҚ брифингінде Алматы әкімі Ерболат Досаев мәлімдеді, деп хабарлайды Almaty-akshamy.kz.
Аталған проблемаларды шешу үшін бұрын, 2022 жылы пилоттық режимде жолдардың сапасын арттыру мақсатында асфальтбетонға полимерлі қоспалар түріндегі жаңа материалдар пайдаланылды. Олар жүктемелерге және климаттық жағдайларға төзімді.
«Биыл біз қаланың 6 шағын ауданында 25 шақырым жаңа жол салуды және 200 шақырымға орташа жөндеу жұмыстарын жүргізуді жоспарлап отырмыз. Осы жұмыстар аясында механикалық және температуралық жүктемелерге төтеп беретін 8 мың " серпілісті" люк орнатылады», - деп атап өтті Ерболат Досаев.
Жаңа технологияларды қолдана отырып, жол инфрақұрылымын жаңғырту орташа жөндеу жүргізу мерзімін 5 жылдан 10 жылға дейін ұлғайтуға мүмкіндік береді.
