Алматыда тастанды сәби әкесімен қауышты
Былтырғы қыркүйектен бастап биылғы ақпанның басына дейін бұл дерек айтылмай келген.
Екі жасар бала ұзақ уақыт Алматы ауруханаларының бірінде болған еді, деп хабарлайды Almaty-akshamy.kz
Медеу ауданының қорғаншылық және қамқоршылық органдарының ақпаратына сәйкес, Алматы ауруханаларының біріндегі екі жасар тастанды сәби әкесіне қайтарылды. Ведомствоның мәліметінше, әкесі қажет құжаттарды ұсынғаннан кейін, 17 наурызда бала туыстарына берілген.
«Әкесі екенін дәлелдейтін құжаттарды көрсетті. Сондықтан қамқоршылық және қорғаншылық органдары баланы әкесіне тапсырды», - деді Алматы қаласы білім басқармасының қамқоршылық және қорғаншылық бөлімінің басшысы Жанна Тасирова.
Еске салайық, екі жасар бала ұзақ уақыт Алматы ауруханаларының бірінде болған еді. Былтыр қыркүйектен бастап биыл ақпанның басына дейін бұл дерек айтылмаған. Бірақ кейінірек бұл жағдай әлеуметтік желілерде жарияланды, сөйтіп, ол қоғамдық резонанс тудырды.
Бала 22 қыркүйекте Asia Park СОО маңынан табылған. Сонымен қатар, оның қасында өзін баланың әкесімін деп таныстырған ер адам болған. Оның айтуынша, олар Жамбыл облысының Мерке ауылынан келген және баласымен бірге тұратын жері болмаған. Ер адам анасы баланы тастап, белгісіз бағытта кетіп қалғанын, балаға құжаттар жасамағанын айтқан еді.
Полицейлер баланың өмірі мен денсаулығына қауіп төніп тұрғасын, оны ауруханаға жеткізген. Тексерістен кейін 37 жастағы ер адам бала ауруханада жатқан кезде құжаттар жасап, баспана табуға уәде берді. Алайда осыдан кейін ер адам жоғалып кеткен.
Әлеуметтік желілердегі айқай-шудан кейін әкесі болуы мүмкін ер адам қайта пайда болған. Сондай-ақ, тастанды баланың әжесі болуы мүмкін адам да табылған. Кейінірек баланың әкесіне берілетіні белгілі болды.
