№131 бағыт бойынша жүретін автобустың өртенуі туралы ақпарат

2023 жылғы 15 ақпанда сағат 8:28-де диспетчерлік қызметке №131 бағыт бойынша келе жатқан автобустың өртенуі туралы ақпарат келіп түсті.  Техникалық ақаулықты анықтаған жүргізуші нұсқаулыққа сәйкес барлық жолаушыларды ескертіп, оларды  аялдама кешенінде дереу түсіреді.

Бұдан соң автобус техникалық ақауларды жою үшін автопаркке бет алды. Әл-Фараби даңғылымен оңтүстік бағытта келе жатқанда қозғалтқыш бөлімінен өрт шығады. Жүргізуші өрт сөндіргішпен өртті сөндіру бойынша жедел шаралар қабылдайды, алайда біраз уақыттан кейін жарылыс болды. Сағат 8:45-те оқиға орнына келген ТЖД қызметкерлері өртті оқшаулап, 8: 50-де өрт ошағын толығымен жойды. Басқарманың мәліметінше, жәбірленушілер мен зардап шеккендер жоқ, қазір жергілікті жерде уәкілетті органдар жұмыс істеуде.

Айта кетерлігі, өрт нормативтік пайдалану мерзімі аяқталып қалған "ЛИАз" маркалы автобуста болған. Автопарктің техникалық жай-күйін жоспарлы тексеру кезінде осы маркалы автобустардың тозуы жоғары екені анықталды. Сондықтан көрсетілетін көлік қызметтерінің  сапасын және жолаушылардың қауіпсіздігін арттыру үшін автопарк ескі көліктерді ауыстыру үшін жаңа жылжымалы бірліктерді сатып алуды жоспарлады.

Жылжымалы составты  жаңарту мақсатында Алматы қаласының әкімдігі жаңа автобустар сатып алуда. 2023 жылы 300 жаңа автобус сатып алу және 100 бірлік троллейбус жаңарту жоспарланған, жеке автопарктер  150 бірлік газ автобусын сатып алуда.

Алматы қаласының қалалық мобильділік басқармасы