Алматыда инфрақұрылымды модернизациялауға қанша қаражат бөлінеді?
«Инвестицияларға айырбастау тарифі»: Алматыда инфрақұрылымды модернизациялауға қанша қаражат бөлінеді?
Алматы қаласының өңірлік коммуникациялар қызметінің алаңында ҚР Ұлттық экономика министрлігі Табиғи монополияларды реттеу комитетінің Алматы қаласы бойынша департаментінің басшысы Әсел Бөденееваның қатысуымен баспасөз конференциясы өтті.
«Инвестицияларға айырбастау тарифі» бағдарламасына сәйкес республика бойынша инженерлік желілердің тозуын қосымша инвестициялар есебінен: жергілікті бюджет пен тарифтер есебінен орта есеппен 15% - ға төмендету жоспарлануда. Қаражат коммуникацияларды жөндеуге және жаңғыртуға бағытталатын болады.
Ведомствоның мәліметінше, 2023 жылға Алматыда жылу желілері 59,2%-ға, су құбырлары 54,4%-ға, кәріз желілері 57,4%-ға тозған.
«Тарифтердің өзгеруі коммуналдық кәсіпорындардың өндірістік персоналының жалақысын орта есеппен 58% - ға ұлғайту үшін қайта қарауды көздейді», - деді Ә. Бөденеева.
Бұған дейін ҚР Энергетика министрлігі, ҚР Индустрия және инфрақұрылымдық шаруашылық министрлігінің Құрылыс және тұрғын үй-коммуналдық шаруашылық істері Комитетімен және Алматы қаласының энергетика және сумен жабдықтау басқармасымен бірлесіп, бірлескен бұйрықтармен «Алматы жылу желілері» ЖШС, «Алматыжылукоммунэнерго» ЖШС, «Алматы су» ШЖҚ МКК және «Алатау Жарық компаниясы» АҚ2023-2026 жылдарға арналған инвестициялық бағдарламаларына өзгерістер енгізілді.
Мәселен, 2023 жылға арналған инвестициялық бағдарламаларға қосымша іс-шаралар мынадай сомаларға енгізілген:
- «Алатау Жарық Компаниясы» АҚ 5 035 653,75 мың теңге сомасына;
- «Алматы Су» ШЖҚ МКК сумен қамту бойынша 1 447 627,00 мың теңге, су бұру бойынша 1 269 335,00 мың теңге;
- «Алматыжылукоммунэнерго» 1 602 548,07 мың теңге, оның 1 157 462,18 мың теңгесі жергілікті бюджет есебінен, 445 085,89 өз қаражаты;
- «Алматы жылу желілері» ЖШС 13 938 078,44 мың теңге, оның 12 538 316,91 мың теңгесі жергілікті бюджет есебінен, 1 399 761,53 өз қаражаты.
«Бұл қаражат табиғи монополиялар субъектілерінің желілері мен жабдықтарын реконструкциялауға және жаңғыртуға бағытталатын болады, кәсіпорындар бойынша 2023 жылы тозуды азайту орташа есеппен 0,96% құрайды», - деп толықтырды спикер.
«АлматыЭнергоСбыт» ЖШС электр энергиясымен жабдықтаудың шекті бағалары бойынша Департаментпен «АлматыЭнергоСбыт» ЖШС электр энергиясын жабдықтауға бағаның алдағы өсуі туралы хабарлама қаралды, 2023 жылғы 1 шілдеден бастап орташа тарифі ҚҚС-сыз 24,76 теңге/квтс құрады:
- халық үшін тариф 21,62 теңге/кВтсағ ҚҚС-сыз;
- заңды тұлғалар үшін 26,44 теңге/кВтсағ ҚҚС-сыз;
- бюджеттік ұйымдар үшін 35,95 теңге/кВтсағ ҚҚС-сыз;
- АМӨЗ өндірушілері үшін ҚҚС-сыз 24,76 теңге/кВтсағ.
Тұтыну көлеміне қарай сараланған тарифтер:
- бірінші деңгей үшін 19,67 теңге/кВтсағ ҚҚС-сыз;
- екінші деңгей үшін 25,95 теңге/кВтсағ ҚҚС-сыз;
- үшінші деңгей үшін 32,43 теңге/кВтсағ ҚҚС-сыз.
Келесі жағдайда тұратын тұтынушылар үшін артық төлем:
- Тұрғын ауданы 30 м2 болатын 1 бөлмелі пәтер 340 теңгені құрайды;
-55 м2 тұрғын ауданы бар 2 бөлмелі пәтер 426 теңгені құрайды;
- Тұрғын ауданы 70 м2 болатын 3 бөлмелі пәтер 511 теңгені құрайды.
«Тарифтер өзгерген кезде тұтынушылар мен қоғамдық бірлестіктер өкілдерінің жария тыңдауларда айтылған ұсыныстары ескерілді, сондай-ақ Департамент халыққа үлкен жүктемені болдырмау бойынша жұмыс жүргізді, бұл ретте қаланың коммуналдық кәсіпорындарының өндірістік персоналының жалақы деңгейі жоғары және бәсекеге қабілетті болады, сондай-ақ қаланың ТКШ инфрақұрылымын жаңғырту үшін инвестициялық құрамдас бөліктер ұлғайды, бұл қаланың ТКШ инфрақұрылымын жаңғыртуға әкелетін жоғары сапалы реттелетін қызметтер көрсету», - деп атап өтті Ә.Бөденеева.
