Алдағы уақытта Қазақстан өзін қантпен толық қамтамасыз етуі мүмкін
Қытайға жасаған сапарында Президент екі ел агроөнеркәсіп саласындағы ынтымақтастықты дамытуға мол мүмкіндік барын мәлімдеді.
Мемлекет басшысы алдағы уақытта Қазақстан қантпен өзін толық қамтамасыз етуді жоспарлайтынын атап өтті, деп хабарлайды Almaty-akshamy.kz.
«Сол үшін кешенді жоспар қабылданды. Сіздерді Қазақстанда қант өндірісін дамытуға белсенді атсалысуға шақырамын», - деді мемлекет басшысы.
Сианьда өтіп жатқан инвестициялық дөңгелек үстелде президент Қазақстан әлемде бидай өндіретін ең ірі 10 елдің бірі екенін атап өтті. Қазақстан жылына 5.5 млн тоннаға жуық астық пен 1,5 тоннаға жуық ұн экспорттайды. Алдағы уақытта Қытайға 1 млн тонна бидай жеткізуді көздеп отыр.
Сонымен қатар соңғы бес жылда Қазақстаннан Қытайға экспортталған майлы дақылдар көлемі 3.5 есе, өсімді майы 2 есе артқан.
«Кәсіпкерлеріміз Қытайға сиыр, қой, шошқа, тауық етін жөнелте алады», - деді ол.
