«Әлемдегі ең бақытты ел»
Финляндия жетінші жыл қатарынан «әлемдегі ең бақытты ел» танылған
Бұл туралы БҰҰ-ның тапсырысы бойынша Gallup Қоғамдық пікірді зерттеу институты және Оксфорд университетінің қатысуымен 20 наурыз, сәрсенбі, Халықаралық бақыт күні жарияланған «Әлемдік бақыт туралы есеп» атты жыл сайынғы социологиялық зерттеу қорытындыларынан белгілі болды, деп хабарлайды аlmaty-akshamy.kz DW ақпарат агенттігіне сілтеме жасап.
Үздік «бестікке» сондай-ақ Дания, Исландия, Швеция және Израиль кірсе, Германия алдыңғы жылдың қорытындысымен салыстырғанда 143 елдің ішінен 24-ші орынға тұрақтады. Осылайша неміс елі «жиырмалықтан» жылжып «отыздықтар» қатарынан орын алды.
АҚШ одан бір позиция ғана жоғары болды.
«Жалпы, әлемдегі ең бақытты он мемлекеттің ішінде халқының саны бойынша бір де үлкен мемлекет болған жоқ», деп атап көрсетті AFP.
Тек Нидерланд (6-шы орын) мен Аустралия (10-шы орын) бұл көрсеткіш 15 млн-нан астам адамнан асып тұр.
Ресей рейтингтің ортасында - 72-ші орында тұрса, Украина 105-ші орынды місе тұтты. Зерттеуде 103-ші орында «Палестина мемлекеті», 31-ші орында «Қытай Тайвань провинциясы» тұр. Беларусь бұл рейтингте көрсетілмеген. Оның тұрғындарының пікірінше, ең бақытты ел - бұл Ауғанстан.
Хельсинки университетінің қызметкері Дженнифер де Паоланың айтуынша, халықтың өз өмірін бақытты қабылдауының жоғары деңгейі финдердің табиғатпен ерекше тығыз байланыста болуымен, сонымен қатар олардың жұмыс пен демалыс арасындағы тепе-теңдікті сақтай білуімен түсіндіріледі. Де Паола басқа факторлар ретінде финдердің билікке деген жоғары сенімі, сондай-ақ олардың еркіндік пен автономия сезімі деп санайды.
Соңғы есеп 2021-2023 жылғы мәліметтерді талдау негізінде жасалған.
