Қазақстанға оралған қандастардың басым көпшілігі Өзбекстаннан
1 шілдедегі жағдай бойынша, осы жылдың басынан бері 8 867 адам тарихи отанына оралып, қандас мәртебесін алған.
Қазақстанға келген қандастардың жартысынан көбі, яғни 75,5% Өзбекстаннан, 10,4%-ы ҚХР-дан, 7%-ы Түркіменстаннан, 2,5%-ы Моңғолиядан және 4,5%-ы басқа елдерден келгендер болып табылады, деп хабарлайды Almaty-akshamy.kz.
Ресми мәліметтер бойынша, 1991 жылдан бері республикаға 1 миллион 79,2 мың этникалық қазақ оралған.
Келген этникалық қазақтар негізінен Алматы (29,9%), Түркістан (14,5%), Маңғыстау (18,7%) және Жамбыл (8,0%) облыстарына, сондай-ақ Шымкент (10,7%) қаласына қоныстанды.
Ағымдағы жылғы 1 шілдедегі жағдай бойынша еңбекке қабілетті жастағы этникалық қоныс аударушылар саны 55,5%-ды, еңбекке қабілетті жастан кішілер 25,3%-ды және зейнеткерлер 19,2%-ды құрайды.
Еңбекке қабілетті жастағы қандастардың ішінен білім деңгейі бойынша 10,9%-ының жоғары, 39,3%-ының орта кәсіби, 45,9%-ының жалпы орта білімі бар және 3,9%-ының білімі жоқ.
