Қазақстанның басым бөлігінде найзағай жарқылдайды
29-31 шілдеге арналған ауа райы болжамы.
Синоптик мамандар алдағы күндері ауа райы қандай болатынын болжады, деп хабарлайды Almaty-akshamy.kz.
«Қазақстанның басым бөлігінде атмосфералық фронттардың өтуімен найзағай күтіледі. 30-31 шілдеде шығыста, 31 шілдеде оңтүстік-шығыста қатты жаңбыр жауады. Тек еліміздің оңтүстік-батысы мен оңтүстігінде жауын-шашынсыз ауа райы күтіледі», – делінген «Қазгидромет» РМК хабарламасында.
Республиканың барлық аумағында ауа температурасының көтерілуі болжануда: күндіз батыста, солтүстік-батыста 25-41, солтүстік пен шығыста 23-33, орталықта 25-37 градусқа дейін жылылық болады.
