Жеті миллионнан астам қазақстандық КВИ-ға қарсы екпе алды
Тәулік сайын республика бойынша орта есеппен 80-100 мың адам егіледі.
Вакцинациядан өткен қазақстандықтар туралы Орталық коммуникациялар қызметінде өткен онлайн брифинг барысында Инфекциялық ауруларды эпидемиологиялық қадағалау бөлімінің басшысы Роза Қожапова айтып берді, деп хабарлайды Almaty-akshamy.kz.
Мамандардың айтуынша, бүгінгі таңда Қазақстан Республикасында коронавирустық инфекцияға қарсы вакцинаны 7,1 млн адам алған, оның ішінде бірінші компонент – 4 601 830 адам, бұл тиісті халықтың 46,5% - ын құрайды. Екінші компонентпен 2 541 853 адам қамтылған. Егу пункттерінде вакцина жеткілікті: бірінші компоненттің шамамен 753 мыңы және екінші компоненттің 1 млн. 280 мыңы бар. Тәулік сайын республика бойынша орта есеппен 80-100 мың адам егіледі.
«Вакциналау - вирустың таралуын азайтудың және бұрынғы өмір салтына, жұмысқа, қарым - қатынасқа, отбасылық дәстүрге және саяхатқа оралудың жалғыз тәсілі», - деді Инфекциялық ауруларды эпидемиологиялық қадағалау бөлімінің басшысы Роза Қожапова.
Бүгінгі таңда алаңдаушылық тудыруы мүмкін жаңа штамдардың пайда болуын болдырмаудың ең тиімді шарасы вакцинация болып табылады.
«Қазіргі уақытта мақұлданған COVID-19-ға қарсы вакциналары вирустың жаңа нұсқаларынан кем дегенде біршама қорғауды қамтамасыз етеді, өйткені бұл вакциналар бірқатар антиденелер мен жасушалардың қатысуымен кең иммундық реакцияны тудырады»,– делінген Денсаулық сақтау министрлігінің баспасөз қызметінің хабарламасында.
Сондықтан вирустың өзгеруі немесе мутациясы вакциналарды толығымен тиімсіз етпеуі керек. Денсаулық сақтау магистрі, ҚР ДСМ «Санитариялық-эпидемиологиялық сараптама және мониторинг ғылыми-практикалық орталығы» ҚДСҰО (НЦОЗ) филиалының директоры орынбасарының міндетін атқарушы Манар Смағұл вирус мутациясының себептерін және одан міндетті түрде қорғауды түсіндірді.
«Вирустар, барлық тіршілік иелері сияқты, өмір бойы мутацияға ұшырайды. Вирустың мутациясы бірнеше апта немесе айлар ішінде көптеген вирустар мен сезімтал адамдарға байланысты тез жүреді. Кейбір мутациялар вирусты тұрақсыз және осал етеді, ал кейбір мутациялар вирустың жұқпалы болуын, өлімді арттырады, аурудың ауыр ағымын тудырады. Мутация вирусты өлімге әкелетін, жұқпалы болған кезде алаңдаушылық туындайды. Қолданыстағы вакциналардың, емдеудің және басқа да алдын алу шараларының тиімділігін төмендететін мутацияның алдын алу үшін вирустың таралуын тоқтату үшін қолдан келгеннің бәрін жасауымыз керек. Вирустың таралуын төмендетудің тиімді шарасы – вакциналау», - деп атап өтті сарапшы.
Қазақстанда бүгінгі таңда негізінен COVID-19-ға қарсы 2 вакцина - Спутник V немесе Гам-Ковид-Вак, QazVac пайдаланылады, бірқатар өңірлерде аз мөлшерде Hayat-Vax SARS-CoV-2 және CoronaVac бар.
